มหาราช ทส สหสฺสมฺหิ โลกธาตุยา ธมฺเมน รชฺชํ กาเรติ สเทวกํ โลกํ สมารกํ สพฺรหฺมกํ
สสฺสมณพฺราหฺมณึ ปชํ อนุสาสติ เตน การเณน ตถาคโต วุจฺจติ ราชาติ ฯ ราชา
นาม มหาราช สพฺพชนมนุสฺเส อภิภวิตฺวา นนฺทยนฺโต ฌาติสํฆํ โสจยนฺโต อมิตฺตสํฆํ
มหติมหายสสิริหรํ ถิรสารทณฺฑํ อนูนสตสลากาลงฺกตํ อุสฺสาเปติ ปณฺฑรวิมลเสตจฺฉตฺตํ
ภควาปิ มหาราช โสจยนฺโต มารสเสนํ มิจฺฉาปฏิปนฺนํ นนฺทยนฺโต เทวมนุสฺเส สมฺ
มาปฏิปนฺเน ทสสหสฺสมฺหิ โลกธาตุยา มหติมหายส สิริหรํ ขนฺติถิรสารทณฺฑํ ญาณ
วรสลากาลงฺกตํ อุสฺสาเปติ อคฺค วรวิมุตฺติ ปณฺฑรวิมลเสตจฺฉตฺตํ เตนาปิ การเณน ตถาคโต
วุจฺจติ ราชาติ ฯ ราชา นาม มหาราช อุปคตสมฺปตฺตชนานํ พหุนฺนํ อภิวนฺทนีโย ภวติ
ภควาปิ มหาราช อุปคตสมฺปตฺตเทวมนุสฺสานํ พหุนฺนมภิวนฺทนีโย เตนาปิ การเณน ตถาคโต
วุจฺจติ ราชาติ ฯ ราชา นาม มหาราช ยสฺส กสฺสจิ อาราธกสฺส ปสีทิตฺวา วริตํ
วรํ ทตฺวา กาเมน ตปฺปยติ ภควาปิ มหาราช ยสฺส กสฺสจิ กาเยน วาจาย มนสา
อาราธกสฺส ปสีทิตฺวา วริตํ วรํ อนุตฺตรํ สพฺพทุกฺขปริมุตฺตึ ทตฺวา อเสสกามวเรน ตปฺปยติ
เตนาปิ การเณน ตถาคโต วุจฺจติ ราชาติ ฯ ราชา นาม มหาราช ปุพฺพกานํ
ธมฺมิกานํ ราชูนํ ปเวณึ อนฺสตฺถิยา ธมฺมานุธมฺมํ อนุทีปยิตฺวา ธมฺเมน รชฺช การยมาโน
ปิหยิโต ปิโย ปตฺถิโต ภวติ ชนมนุสฺสานํ จิรํ ราชกุลวํสํ ฐปยติ ธมฺมคุณพเลน ภควาปิ
มหาราช ปุพฺพกานํ สยมฺภุนํ ปเวณิมนุสตฺถิยา ธมฺมานุธมฺมํ อนุทีปยิตฺวา ธมฺเมน โกลํ
อนุสาสมาโน ปิหยิโต ปิโย ปตฺถิโต เทวมนุสฺสานํ จิรํ สาสนํ ปวตฺเตติ ธมฺมคุณพเลน
เตนาปิ การเณน ตถาคโต วุจฺจติ ราชาติ ฯ เอวํ อเนกวิธํ มหาราช กาณํ เยน
การเณน ตถาคโต พฺราหฺมโณปิ ภเวยฺย ราชาปิ ภเยฺย ฯ สุนิปุโณ ภิกฺขุ กปฺปมฺปิ
โน นํ สมฺปาเทยฺย กึ อติพหุํ ภณิเตน สํขิตฺตํ สมฺปฏิจฺฉิตพฺพนฺติ ฯ สาธุ ภนฺเต
นาคเสน เอวเมตํ ตถา สมฺปฏิจฺฉามีติ ฯ

ภควโต ราชปญฺโห สตฺตโม ฯ

ภนฺเต นาคเสน ภาสิตเมตํ ภควตา อฏฺฐานเมตํ ภิกฺขเว อนวกาโส ยํ
เอกิสฺสา โลกธาตุยา เทฺว อรหนฺตา สมฺมาสมฺพุทฺธา อปุพฺพํ อจริมํ อุปฺปชฺเชยฺยุํ เนตํ
ฐานํ วิชฺชตีติ ฯ เทเสนฺตาปิ ภนฺเต นาคเสน สพฺเพปิ ตถาคตา สตฺตตฺตึส โพธิปกฺขิยธมฺเม
เทเสนฺติ กถยมานา จ จตฺตาริ อริยสจฺจานิ กเถนฺติ สิกฺขาเปนฺตา จ ตีสุ สิกฺขาสุ
สิกฺขาเปนติ อนุสาสมานา จ อปฺปมาทปฏิปตฺติยา อนุสาสนฺติ ฯ ยทิ ภนฺเต นาคเสน